قازاقستان رەسپۋبليكاسى باس پروكۋراتۋراسىنىڭ بۇيرىعى  №59

2016 جىلعى 31 ناۋرىز, استانا قالاسى قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىندا اۋىستىرۋ جانە قايتا قابىلداۋ قاعيدالارىن بەكىتۋ تۋرالى «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1-بابىنىڭ 12) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىندا (بۇدان ءارى – اكادەميا) اۋىستىرۋ جانە قايتا قابىلداۋ قاعيدالارى بەكىتىلسىن. 2. اكادەميانىڭ رەكتورى ۇ.س.بايجانوۆ: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى; 3) وسى بۇيرىقتى قازاقستان رەسپۋبليكاسى ادىلەت مينيسترلىگىندە العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 4) وسى بۇيرىقتى قازاقستان رەسپۋبليكاسى باس پروكۋراتۋراسىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى ي.د.مەركەلگە جۇكتەلسىن. 4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ باس پروكۋرورى ا.داۋىلباەۆ قازاقستان رەسپۋبليكاسى باس پروكۋرورىنىڭ 2016 جىلعى 31 ناۋرىزداعى №59 بۇيرىعىمەن بەكىتىلگەن قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىندا اۋىستىرۋ جانە قايتا قابىلداۋ قاعيدالارى 1. جالپى ەرەجەلەر 1. وسى قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىندا اۋىستىرۋ جانە قايتا قابىلداۋ قاعيدالارى (بۇدان ءارى – قاعيدالار) «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 5-1-بابى 12) تارماقشاسىنا سايكەس ازىرلەنگەن. 2. قاعيدالار قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىندا (بۇدان ءارى – اكادەميا) اۋىستىرۋ جانە قايتا قابىلداۋ ءتارتىبىن انىقتايدى. 3. ءبىلىم الۋشىلاردى اۋىستىرۋ كۋرستان كۋرسقا, اكادەميادان باسقا جوعارى وقۋ ورىندارىنا (بۇدان ءارى – جوو), باسقا جوو-دان اكادەمياعا, اكادەميادا ءبىر ماماندىقتان ەكىنشى ماماندىققا جۇزەگە اسىرىلادى. 4. اۋىستىرۋ جانە قايتا قابىلداۋدىڭ مىندەتتى تالابى بولىپ الدىڭعى اكادەميالىق كەزەڭنىڭ جۇمىس وقۋ جوسپارىنىڭ بارلىق تالاپتارىنىڭ ورىندالۋى جانە ارالىق اتتەستاۋدى تاپسىرۋ تابىلادى. 5. ءبىلىم الۋشىلاردى كۋرستان-كۋرسقا اۋىستىرۋ وقۋ جىلىنىڭ قورىتىندىسى بويىنشا (ارالىق اتتەستاتتاۋ) ۇلگەرىمىنىڭ ورتاشا بالى اكادەميانىڭ عىلىمي كەڭەسىمەن اعىمداعى وقۋ جىلىنا بەلگىلەنگەن (GPA) اۋىسۋ بالىنان كەم ەمەس جانە جازعى سەمەستر ناتيجەلەرىن ەسكەرە وتىرىپ جۇزەگە اسىرىلادى. 6. ءبىلىم الۋشىلاردى اكادەميادان باسقا جوو-نا اۋىستىرۋ, قابىلداۋشى ءبىلىم بەرۋ ۇيىمىنىڭ تالاپتارىنا سايكەس جۇزەگە اسىرىلادى. 7. اكادەميادا قايتا قابىلداۋ اكادەميادا بۇرىن ءبىلىم العان, سونداي-اق باسقا جوو-دا ءبىلىم العان تۇلعالار قاتارىنان جۇزەگە اسىرىلادى. اكادەميادان نەمەسە باسقا جوو-دان تومەن ۇلگەرىمى نەمەسە تەرىس سەبەپتەر بويىنشا بۇرىن وقۋدان شىعارىلعان تۇلعالار اكادەمياعا قايتا قابىلداۋعا جاتپايدى. 8. اكادەمياعا شەتەلدىك ءبىلىم بەرۋ ۇيىمىنان اۋىستىرۋ نەمەسە قايتا قابىلداۋ كەزىندە, مەڭگەرىلگەن وقۋ باعدارلامالارى تۋرالى قۇجات (اكادەميالىق انىقتاما نەمەسە ترانسكريپت), سونداي-اق ءبىلىم تۋرالى قۇجاتتاردى تانۋ جانە نوستريفيكاتسيالاۋ قاعيدالارىن بەكىتۋ تۋرالى قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 10 قاڭتارداعى № 8 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5135 بولىپ تىركەلگەن), قازاقستان رەسپۋبليكاسىندا نوستريفيكاتسيالاۋ راسىمىنەن ءوتۋى ءتيىس ءبىلىم بەرۋدىڭ الدىڭعى دەڭگەيىن اياقتاعانى تۋرالى قۇجات ۇسىنىلادى. 9. اكادەمياعا اۋىستىرۋ جانە قايتا قابىلداۋ ءتيىستى كۋرستا بوس ورىن بولعان جاعدايدا جۇزەگە اسىرىلادى. 10. اۋىستىرۋ جانە قايتا قابىلداۋ تۋرالى سۇراق اكادەميا رەكتورىمەن كەزەكتى اكادەميالىق كەزەڭنىڭ باستالۋىنا دەيىن, كۇنتىزبەلىك بەس كۇن ارالىعىندا جازعى جانە قىسقى دەمالىس كەزەڭىندە قارالادى. 11. اۋىستىرۋ جانە قايتا قابىلداۋ كەزىندە ءبىلىم الۋشىنىڭ جانە/نەمەسە ءبىلىم الۋعا كانديداتتىڭ الدىڭعى اكادەميالىق كەزەڭدە وقىعان جۇمىس وقۋ جوسپارلارى پاندەرىندەگى اكادەميالىق ايىرماشىلىقتارى انىقتالادى. وقۋ پاندەرى بويىنشا ايىرماشىلىقتى انىقتاعان كەزدە قورىتىندى باقىلاۋ نىسانىنداعى ايىرماشىلىق ەسكەرىلمەيدى. 12. ءبىر بوس ورىنعا اۋىستىرۋ نەمەسە قايتا قابىلداۋعا بىرنەشە كانديدات بولعان جاعدايدا, ارتىقشىلىق ۇلگەرىمىنىڭ ورتاشا بالى (GPA) ەڭ جوعارى بولعان تۇلعادا بولادى. 13. جۇمىس وقۋ جوسپارلارىنىڭ پاندەرى بويىنشا اكادەميالىق ايىرماشىلىقتى اكادەميا ترانسكريپتتە نەمەسە نىسانى قازاقستان رەسپۋبليكاسى ءبىلىم جانە عىلىم ءمينيسترىنىڭ 2009 جىلعى 12 ماۋسىمداعى № 289 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5717 بولىپ تىركەلگەن) ءبىلىم الۋدى اياقتاماعان ادامدارعا بەرىلەتىن انىقتامادا كورسەتىلگەن زەردەلەنگەن پاندەرىنىڭ تىزبەسى, ولاردىڭ باعدارلامالارى جانە اكادەميالىق ساعات نەمەسە كرەديتپەن كورسەتىلگەن كولەمى نەگىزىندە ايقىندايدى. 14. جۇمىس وقۋ جوسپارلارى پاندەرىندەگى اكادەميالىق ايىرماشىلىقتى جويۋ ءبىلىم الۋشىمەن اكادەميانىڭ وقۋ-ادىستەمەلىك بولىمشەسىمەن ازىرلەنەتىن جانە اكادەميانىڭ جەتەكشىلىك ەتەتىن پرورەكتورىمەن بەكىتىلگەن جەكە كەستە بويىنشا جۇزەگە اسىرىلادى. ءبىلىم الۋشى اعىمداعى اكادەميالىق كەزەڭدە باقىلاۋدىڭ بارلىق تۇرلەرىن تاپسىرادى جانە قورىتىندى باقىلاۋعا رۇقسات الادى. 15. ءپان بويىنشا اكادەميالىق ايىرماشىلىقتى جويۋ كەزىندە ءبىلىم الۋشى قاناعاتتانارلىقسىز دەگەن باعا العان جاعدايدا قايتا تاپسىرۋعا جول بەرىلمەيدى جانە اكادەميادان اكادەميالىق ۇلگەرمەگەنى ءۇشىن وقۋدان شىعارىلۋعا جاتادى. 16. اكادەميدا بوس قابىلداۋ ورىندارى تۋرالى اقپارات اكادەميانىڭ ينتەرنەت-رەسۋرستارىندا جاريالانادى. 2. اۋىستىرۋ ءتارتىبى 17. اكادەمياعا باسقا جوو-نان اۋىستىرۋ كەزىندە ءبىلىم الۋشى اكادەميا رەكتورىنىڭ اتىنا ول ءبىلىم العان جوو-نىڭ وقۋ ءىسى جونىندەگى پرورەكتور جانە وفيس-تىركەۋشى قول قويعان ترانسكريپتتىڭ, جوو-نىڭ باسشىسىنىڭ اتىنا اۋىستىرۋ تۋرالى جازىلعان ءوتىنىشتىڭ (باسشىنىڭ قولى قويىلىپ, ءمور باسىلعان) كوشىرمەسىن قوسا ۇسىنىپ ەركىن جازباشا نىساندا اۋىستىرۋ تۋرالى بايانات جازادى. 18. اكادەميانىڭ وقۋ-ادىستەمەلىك بولىمشەسى كۇنتىزبەلىك ءۇش كۇن ارالىعىندا ۇسىنىلعان ترانسكريپت كوشىرمەسىنىڭ نەگىزىندە جۇمىس وقۋ جوسپارلارىنداعى پاندەردىڭ اكادەميالىق ايىرماشىلىعىن جانە مەڭگەرىلگەن پرەرەكۆەزيتتەرگە سايكەس وقۋ كۋرسىن بەلگىلەيدى, ءبىلىم بەرۋ باعدارلاماسىنا سايكەس مەڭگەرىلگەن كرەديتتەردى قايتا ەسەپتەيدى. 19. اكادەمياعا اۋىستىرۋ ءتارتىبى بويىنشا وقۋعا قابىلداۋ اكادەميانىڭ جەتەكشىلىك ەتەتىن پرورەكتورىمەن, جوعارى وقۋ ورنىنان كەيىنگى ءبىلىم بەرۋ ينستيتۋتى (بۇدان ءارى – جوكبي) ديرەكتورىمەن جانە وقۋ-ادىستەمەلىك بولىمشە باستىعىمەن الدىن الا كەلىسىلگەننەن كەيىن اكادەميا رەكتورىنىڭ بۇيرىعىمەن رەسىمدەلەدى. 20. قابىلداۋ تۋرالى بۇيرىق شىققاننان كەيىن ءۇش جۇمىس كۇن ىشىندە ونىڭ كوشىرمەسى ءبىلىم الۋشىنىڭ بۇرىن وقىعان جوو-نا جىبەرىلەدى. 21. اكادەميادا ءبىلىم الۋشىنى ءبىر ماماندىقتان ەكىنشى ماماندىققا اۋىستىرۋ, اكادەمياعا باسقا جوو-نان اۋىستىرۋ تارتىبىنە ۇقساس جۇزەگە اسىرىلادى. اكادەميادا ءبىر ماماندىقتان ەكىنشى ماماندىققا اۋىستىرۋ تۋرالى ءوتىنىش بولعاندا, باسقا جوو-نىڭ اتىنا جازىلعان ءوتىنىشتىڭ بولۋى تالاپ ەتىلمەيدى. 3. قايتا قابىلداۋ ءتارتىبى 22. ءبىلىم الۋعا كانديدات اكادەميادا ءبىلىم الۋشىلار قاتارىنا قايتا قابىلدانۋ ءۇشىن اكادەميالىق انىقتاما (ترانسكريپت) كوشىرمەسىن قوسا ۇسىنىپ, ەركىن جازباشا نىساندا قايتا قابىلداۋ تۋرالى بايانات جازادى. 23. اكادەميانىڭ وقۋ-ادىستەمەلىك بولىمشەسى كۇنتىزبەلىك ءۇش كۇن ارالىعىندا ۇسىنىلعان انىقتاما (ترانسكريپت) كوشىر­مەسىنىڭ نەگىزىندە جۇمىس وقۋ جوسپارلارىنداعى پاندەردىڭ اكادەميالىق ايىرماشىلىعىن جانە مەڭگەرىلگەن پرە­رەك­ۆەزيتتەرگە سايكەس وقۋ كۋرسىن بەلگىلەيدى, ءبىلىم بەرۋ باعدارلاماسىنا سايكەس مەڭگەرىلگەن كرەديتتەردى قايتا ەسەپتەيدى. 24. اكادەمياعا قايتا قابىلداۋ ءتارتىبى بويىنشا وقۋعا قابىلداۋ اكادەميانىڭ جەتەكشىلىك ەتەتىن پرورەكتورىمەن, جوكبي ديرەكتورىمەن, وقۋ-ادىستەمەلىك بولىمشە باستىعىمەن الدىن الا كەلىسىلگەن كەيىن اكادەميا رەكتورىنىڭ بۇيرىعىمەن رەسىمدەلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 29 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13656 بولىپ ەنگىزىلدى.